Zeit zom Moschda


D´ Kardoffla faulet schao em Kär - ond s` Moschdfass isch ao faschd gao lär.

`S wär an dr Zeit, deeg i em Schdilla - so langsam s` Fässle nochzomfilla.

Nix goohd ieber an Gruag Moschd - weil er schmeggd ond et viel koschd.

Ond des send doch -Potz Sabbermend !-  fir d` Schwooba schao gnuag Argumend.

Ganz aone Moschd wär so a Duurschd - wia d` Schlachtbladd aone d` Leabrwuurschd.

Dromm gilts jetzt Moschd zom broduziira - mit Saft vo Epfel ond aus Biira.

Ond geits koi Obschd - no isch domm gloffa - no hoschd dein Moschd am schnellschda gsoffa !

Es koschded dann viel Geld mitunder - drengd ma ersatzweis Schbädburgunder.